Serie A do të nisë nesër dhe në Itali kanë nisur parashikimet. Gazetari Sandro Sabatini e pozicionon Interin në vendin e dytë, pasi sipas tij përqendrimi kryesor do të jetë në Ligën e Kampionëve.

Gazetari italian nxjerr kampion Berat Gjimshitin me Atalantan, çka do të ishte edhe kurorëzimi i epokës së lavdishme të trajnerit Gasperini.

“Sepse ndoshta ata do të kenë Ligën e Kampionëve në mendje dhe një vit shtesë në këmbët e tyre. Inzagi ka një skuadër fantastike, por pak të vjetër. Dëmtimet, lodhja dhe këputjet muskulore janë një rrezik për t’u marrë parasysh. Nuk po tallem, por kam një ndjesi. Kam një ndjesi që ky mund të jetë viti i Atalantës në vend të parë”, ka deklaruar Sandro Sabatini.