Avokatja me origjinë shqiptare Eva Buzo ka përfunduar me sukses sfidën duke përshkuar me not brigjet detare nga Italia në Shqipëri.

Buzo ka mbërritur të hënën në orën 5:00 në brigjet e Shqipërisë duke përshkuar me not 92 kilometra për 35 orë e 17 minuta. Ajo u nis nga shkëmbinjtë e San Fokës dhe mbërriti tek Shkëmbi i Evës në Karaburun.

Buzo e nisi këtë sfidë edhe një vit më parë, por e la në mes për shkak të probleme shëndetësore që iu  shfaqën. Ajo nuk u dorëzua dhe çoi deri në fund sfidën. Në momentin e mbërritjes në orët e para të mëngjesit, Eva nuk është në gjendje të flasë për shkak të kalcifikimit të gojës nga kripa.

Njëri nga anëtarët e ekipit që e shoqëroi, ka propozuar që vendi ku e preku Eva tokën shqiptar të quhet “Kepi i Evës”.