Mirlind Daku nuk do kontribuojë në ndeshjen e parë në shtator për Shqipërinë për shkak të dënimit nga UEFA. Numri një i bankinës së Rubin Kazan, Rashid Rakhimov kërkon që Daku mos të ftohet as në sfidën e dytë të kombëtares.

“Daku ka një dëmtim jo të lehtë, nuk e lejon të luajë me kapacitet të plotë. Ai po luan gjithmonë me injeksione, është gabim të rrezikosh sulmuesin, duhet t’i japim pak kohë pushim”, ka thënë Rakhimov.

“Nuk është fare e drejtë që ta nxjerrësh një lojtar në fushë gjithmonë me qetësues. Me shumë gjasa tani Dakun e thërret Shqipëria, ne do të përpiqemi që ta bindim Shqipërinë të mos e marrin këtë herë, por t’i japin mundësinë të rikuperohet”, tha Rakhimov.