Kanë përfunduar ndeshjet e xhiros së dytë në Ligën e Kombeve, ku kësaj radhe Përfaqësuesja e Kosovës ka fituar, ndërsa Kombëtarja e Shqipërisë ka pësuar humbje.

Dardanët triumfuan në udhëtim te Qipro me rezultat 4-0, derisa kuqezinjtë u mposhtën fatkeqësisht në ‘Air Albania’ nga Gjeorgjia me rezultat minimal 0-1.

SofaScore ka publikuar edhe formacionin më të mirë të xhiros së dytë, ku kanë zënë vend edhe dy futbollistët e Kosovës përkrah shumë yjeve të mëdha.

Në portë është maqedonasi Dimitrievsk, derisa mbrojtja përbëhet nga Trent Alexander Arnold, ylli kosovar Lumbardh Dellova, suedezi Gudmundsson si dhe anësori fantastik i Kosovës, Donat Rrudhani.

Në mesfushë janë Luka Modric, Bruno Fernandes dhe Kerem Akturkoglu, derisa treshja e sulmit përbëhet nga Harry Kane, Benjamin Sesko dhe Viktor Gyokeres.