Mesfushori shqiptar i Lecces, Medon Berisha, ka folurpas ndeshjes së mbyllur në barazim ndaj Torinos.

“Është një pikë e mirë, por brenda vetes kemi bindjen se mund të kishim fituar”, – thotë Berisha, i cili luajti ndeshjen e parë si startues në këtë kampionat.

“Në qendër të mesfushës mund të shprehem më mirë, shkoj mirë me shokët e skuadrës dhe e lexojmë mirë lojën”.

Një titullar disi befasues: “Në stërvitje, gjithmonë përpiqem të jap më të mirën time, besoj po shpërblehem për këtë. Kur jep më të mirën, kënaqësia vjen natyrshëm”.

Ai nuk e dinte se do të luante titullar: “Unë jam  gjithmonë gati, është e rëndësishme të jem në dispozicion të trajnerit. Kisha luajtur pak para kësaj ndeshjeje, por nuk ishte problem. Jemi një ekip cilësor, ka konkurrencë të madhe. Tani duhet të sigurojmë vazhdimësi”.