Kapiteni i Zvicrës, Granit Xhaka, ishte në qendër të vëmendjes në ndeshjen që “Helvetikët” e zhvilluan me Serbinë në Leskovc.

Xhaka sot (e hënë) është paraqitur në konferencën për shtyp të Zvicrës para ndeshjes me Danimarkën.

Fillimisht foli për fyerjet në Serbi.

“Do të isha befasuar po të ishte ndryshe”, ka thënë Xhaka kur është pyetur për fishkëllimat nga tifozët serbë.

“Kam qëndruar i heshtuar paraprakisht pasi nuk mund të ndryshosh rrethana të caktuara. Lojtarët ishin shumë korrektë. Natyrisht, do të doja të marrim tri pikët”, ka thënë Xhaka.