Urim Zenelaj nuk është duke luajtur basketboll në javët e fundit dhe kjo për shkak të problemeve me zemër. Nuk dihet ende se a nënkupton kjo fundin e karrierës së përfaqësuesit të Kosovës në basketboll.

Lajmin e ka bërë të ditur Arbnor Rifati, trajner i klubit të Zenelajt, Proton Cable Prizreni.

“Ia kemi borxh t’ia tregojmë opinionit, nuk kemi dashur para ndeshjes të krijojmë ndonjë panik. Urimi ka probleme shëndetësore për momentin, me udhëzim të kardiologut i është ndalur njëherë basketbolli”, ka thënë Rifati në një prononcim për media.

“I është ndaluar njëherë basketbolli. Në aspektin psikologjik e kemi përjetuar shumë rëndë. Urimi ka qenë shtyllë e ekipit prej fillimit”, është shprehur trajneri i ekipit prizrenas.