KFOR-i, përmes një njoftimi për media, ka bërë të ditur se ka vendosur shenja të reja paralajmëruese dhe ka përditësuar disa nga ato ekzistuese, me qëllim përmirësimin e dukshmërisë përgjatë kufirit ndërmjet Kosovës dhe Serbisë.
“Për shkak të natyrës malore dhe pyjore të terrenit, këto tabela po vendosen për të shënuar qartë zonën e operacioneve të KFOR-it dhe do të ndihmojnë në uljen e rrezikut të kalimeve aksidentale. Vendosja e këtyre tabelave do të vazhdojë gjatë javëve të ardhshme. Një aktivitet i tillë pasqyron angazhimin e paanshëm të KFOR-it për një mjedis të sigurt për të gjitha komunitetet në Kosovë”, thuhet në njoftim.
KFOR-i do të vazhdojë aktivitetet e tij për të kontribuar në një ambient të sigurt dhe të qëndrueshëm për të gjithë njerëzit, transmeton AutoPortali.
Njoftimi i plotë:
