Audi ka zbuluar modelet A6 dhe S6 Sportback e-tron për vitin 2025, që kombinojnë dizajn elegant me teknologji të avancuar elektrike. Me një koeficient aerodinamik prej vetëm 0.23 dhe bateri 100 kWh, A6 bazë (375 kf, RWD) ofron deri në 640 km autonomi – më e gjata në gamë.

Të ndërtuara mbi platformën PPE të dedikuar për EV, A6 vjen në variante me rrotat e pasme apo të gjitha rrotat (quattro), ndërsa S6 ka 543 kf, AWD dhe përshpejton 0-100 km/h për 3.7 sekonda. A6 quattro (456 kf) është një mes të artë me performancë të fortë dhe komoditet të përditshëm, shkruan autoweek, transmeton AutoPortali.

Çfarë bie në sy? Drejtim ultra i butë, përgjigje lineare e pedalit të gazit dhe karikim super të shpejtë falë sistemit 800V – nga 10% në 80% për vetëm 21 minuta. Autonomia sipas modelit varion nga 324 deri në 640 km, në varësi të rrotave dhe konfigurimit.

Brendësia ofron tri ekrane (deri në 14.5”), sistem audio Bang & Olufsen me 20 altoparlantë dhe ndriçim ambienti. Hapësira ngarkese arrin 39.9 ft³ me sediljet e palosura.

Çmimi fillon nga 67,195 $ për A6 bazë dhe arrin në 85,895 $ për S6 Prestige. Rekomandimi? A6 quattro për balancën ideale mes performancës dhe komoditetit.