Fabio Quartararo po shkëlqen në kualifikime këtë sezon në MotoGP, por nuk po arrin të përkthejë shpejtësinë në rezultate gjatë garave. Francezi thotë se problemi qëndron te motori aktual me katër cilindra në linjë i Yamahas, duke e krahasuar me rivalët evropianë si Ducati, KTM dhe Aprilia që përdorin motorë V4.

“Na mungon kapja në frenim dhe hyrje në kthesë”, u shpreh ai, duke shtuar se ndjehet i pafuqishëm kur garon në grup. Yamaha ka nisur zhvillimin e një motori V4, por debutimi i tij është shtyrë për 2026. Quartararo, që ka rinovuar kontratën deri në 2026, paralajmëron se nuk do të presë pafund për përmirësime: “Po punojmë fort, por pole-et nuk mjaftojnë më”.