Presidenti i SHBA-së, Donald Trump, e ka emëruar Lee Zeldin në krye të Agjencisë Amerikane për Mbrojtjen e Mjedisit. Në një konferencë të kohëve të fundit në Iowa, Zeldin bëri një deklaratë që i la shumë njerëz pa frymë. Lee Zeldin dëshiron të eliminojë të gjitha sanksionet kundër pronarëve të automjeteve që ngasin me një rezervuar AdBlue bosh ose që kanë manipuluar softuerin e sistemit në mënyrë që ai të mos e njohë mungesën e lëngut ADBlue si gabim.
“Masa të tilla janë të panevojshme dhe të papranueshme”, tha Lee Zeldin.
Sipas legjislacionit aktual të SHBA-së, motori i një automjeti me naftë do të fiket nëse rezervuari i AdBlue mbaron. Prodhuesit e automjeteve duhet të instalojnë një sistem që bën që motori të humbasë fuqinë sapo të mbarojë AdBlue. Me propozimin e ri, automjetet me naftë do të jenë në gjendje të funksionojnë për katër javë me një rezervuar bosh pa asnjë problem. Ndërsa kamionçinat e mëdhenj do të jenë në gjendje të përshkojnë plot 2,300 km me një rezervuar bosh pa asnjë problem.
Deri më tani, shumë stacione servisi u kanë ofruar shoferëve mundësinë për të çaktivizuar në mënyrë të paligjshme përdorimin e Adblue-së, dhe më pas për të programuar kompjuterin e makinës në mënyrë që të mos shfaqë asnjë kod gabimi. Fuqia e automjetit nuk ndryshon…
Lëngu ADBlue përdoret për të zvogëluar emetimet e gazrave të dëmshëm në shkarkimet e automjeteve, oksidet e azotit, të cilat janë të rrezikshme për shëndetin e njeriut…
