Edhe pse Marc Marquez ka fituar çdo garë që nga GP i Britanisë në maj, ideja se Ducati ka avantazh teknik po vihet seriozisht në dyshim.

Në fillim të vitit 2025, Ducati dominonte, me Marquez dhe Bagnaia vazhdimisht në podium dhe modelet GP24 e GP25 në krye. Por, ndërsa GP25 ka treguar vështirësi për të gjithë përveç Marquezit, GP24 është lënë pas në zhvillim. Bagnaia madje do të donte të kalonte te GP24, po të lejonin rregullat.

Ndërkohë, Aprilia me Bezzecchin dhe KTM me Acostan po përmirësohen ndjeshëm. Aero-updatet dhe përmirësimet teknike po i afrojnë këto skuadra gjithnjë e më shumë me Ducatin. Statistikat e shpejtësisë maksimale nuk i favorizojnë më “raketat” Ducati, dhe klasifikimet e fundit tregojnë një fushë më të barabartë.

Nëse heqim garat e para të sezonit (ku Ducati dominoi), renditja që nga Aragon e tutje tregon një betejë shumë më të ngushtë për vendin e dytë mes Aprilia, KTM dhe të dy versioneve të Ducatit:

Marc Marquez – 259 pikë
Bezzecchi (Aprilia) – 128
Alex Marquez (GP24) – 108
Acosta (KTM) – 106
Bagnaia (GP25) – 104

Diferenca? Marc Marquez fiton sepse është Marquez, jo sepse Ducati ka motorin më të mirë. Ai do ishte konkurrues edhe me një traktor, siç ka thënë vetë Bagnaia.

Pra, a ka ende Ducati motorin më të mirë? Jo domosdoshmërisht. Për momentin po fiton sepse ka pilotin më të mirë. Por nëse Aprilia apo KTM vazhdojnë me këtë ritëm, në 2026 mund ta tejkalojnë.

Në fund, ndoshta është koha të largohemi nga klisheja se “Ducati ka motorin më të mirë”, sepse kjo nuk është më plotësisht e vërtetë.