Mbrojtësi italian, Alessandro Florenzi, ka vendosur të pensionohet nga futbolli profesionist në moshën 34-vjeçare, pas largimit nga AC Milan.

Gjatë karrierës së tij të pasur, Florenzi u bë i njohur për lojën e tij të palodhshme në krahun e mbrojtjes dhe kontributin në disa prej klubeve më të mëdha evropiane. Ai arriti të fitojë trofe të rëndësishëm me PSG-në dhe Milanin, përfshirë Kupën e Francës, Superkupën Franceze dhe titullin e Serie A, transmeton AutoPortali.

Kulmi i karrierës së tij në nivel përfaqësues erdhi në vitin 2021, kur ishte pjesë e ekipit kombëtar të Italisë që triumfoi në Kampionatin Evropian.

Në total, Florenzi numëron 525 ndeshje të zhvilluara në të gjitha garat, duke shënuar 75 gola dhe dhënë 43 asiste, përfshirë edhe paraqitjet me ekipet zinxhir të kombëtares. Ai largohet nga futbolli me një trashëgimi të fortë si një lojtar i përkushtuar dhe i suksesshëm.