Cadillac Vistiq 2026 vjen si një përpjekje ambicioze për të hyrë fuqishëm në tregun e SUV-ve elektrikë me tre rreshta, duke ofruar luks modern, teknologji të avancuar dhe performancë të lartë. Por, ashtu si një këngë e mirë që ndërpritet para finales, Vistiq josh, por ende nuk arrin plotësisht madhështinë që synon.
SUV-i ofron 615 kuaj fuqi dhe AWD standard në të gjitha versionet, me një përshpejtim 0–100 km/h në vetëm 4.4 sekonda. Përvoja e drejtimit është mbresëlënëse, por drejtimi tepër i ngadaltë dhe frenat që mbinxeheshin në testet intensive shfaqin dobësi në përditshmëri dhe raste emergjente, shkruan Motortred, transmeton AutoPortali.
Në aspektin e autonomisë, të gjitha versionet ofrojnë rreth 480 km, një rezultat solid për përdorim të përditshëm. Megjithatë, karikimi i shpejtë publik mbetet zhgënjyes, duke ofruar më pak milje për minutë krahasuar me rivalët si Rivian R1S.
Brendësia ofron komoditet dhe luks, me 23 altoparlantë AKG, Super Cruise dhe ekran të madh, por detaje si reflektimet në xham dhe mbështetëset e kokës jo shumë komode ulin pak përvojën. Hapësira e bagazhit është nën mesataren për këtë segment dhe rreshti i tretë, ndonëse i aksesueshëm, nuk ofron shumë rehati për udhëtime të gjata.
Pavarësisht disa të metave, Vistiq 2026 është një fillim premtues për Cadillac në epokën elektrike. Me disa përmirësime në vitet e ardhshme, ky SUV ka potencial të bëhet një rival serioz në segmentin e luksit elektrik. Deri atëherë, është një zgjedhje “e mirë”, por jo ende “e shkëlqyer”.
