Mesfushori kroat Luka Modric ka hyrë në historinë e Serie A pasi u bë mesfushori më i vjetër që ka shënuar ndonjëherë një gol në këtë kampionat elitar.

Në moshën 40 vjeç e 5 ditë, ylli i Milanit realizoi një gol vendimtar në fitoren 1-0 ndaj Bolognas, në javën e tretë të sezonit të ri.

Me këtë arritje, Modric theu rekordin që mbahej prej dekadash nga ish-mesfushori legjendar i Milanit, Nils Liedholm, i cili kishte shënuar një gol ndaj Interit në mars të vitit 1961, kur ishte 38 vjeç e 169 ditë.

Për më tepër, ky gol i dha Milanit tri pikë të rëndësishme, duke vulosur një fitore minimale, por të vlefshme ndaj një kundërshtari të fortë si Bologna.

Modric jo vetëm që ndihmoi skuadrën e tij, por njëkohësisht arriti një tjetër moment të madh në karrierën e tij personale.

Kroati u bë gjithashtu vetëm lojtari i tretë në historinë e Serie A që arrin të shënojë në moshën mbi 40 vjeç, një dëshmi e qartë e formës dhe profesionalizmit të tij të jashtëzakonshëm.

Gjithashtu, ai ka arritur të shënojë në katër nga pesë ligat më të mëdha të Evropës një tjetër tregues i klasit të tij si një prej mesfushorëve më të mirë të epokës moderne. /AutoPortali