Superliga e Kosovës në futboll rikthehet sot me pesë përballje mjaft interesante, në kuadër të javës së gjashtë të sezonit 2025/26.

Katër ndeshje do të luhen në orën 15:00, ndërsa spektakli futbollistik do të mbyllet në mbrëmje me derbin e kryeqytetit, transmeton AutoPortali.

Në orarin e pasdites, zhvillohen këto sfida:

Dukagjini – Llapi

Ballkani – Drita

Gjilani – Drenica

Malisheva – Ferizaj

Të gjitha këto përballje pritet të jenë vendimtare për ecurinë e ekipeve në tabelë, me vëmendje të veçantë te ndeshja në Suharekë, ku Ballkani pret Dritën në një duel klasik mes dy rivalëve për titull.

Ndërkohë, nga ora 20:15, vëmendja do të zhvendoset në Prishtinë, ku zhvillohet derbi i qytetit mes Prishtinës dhe Prishtinës së Re.

Kjo ndeshje pritet të sjellë atmosferë të zjarrtë dhe rivalitet të lartë, teksa të dyja skuadrat kërkojnë të tregojnë forcën e tyre në skenën e madhe të futbollit vendor.

Aktualisht, Prishtina kryeson tabelën me 10 pikë, po aq sa ka edhe Dukagjini, që ndodhet në vendin e dytë.

Me renditjen që mbetet e ngushtë dhe ekipet që kërkojnë vazhdimësi, kjo javë mund të sjellë lëvizje të rëndësishme në klasifikim.