Max Verstappen, katër herë kampion bote në Formula 1, feston sot (30 shtator 2025) 28-vjetorin e lindjes, duke u konsideruar si një nga pilotët më të suksesshëm në historinë e këtij sporti.

Që nga debutimi i tij në Red Bull në vitin 2016, Verstappen ka grumbulluar 67 fitore në F1, më shumë se çdo pilot tjetër në këtë moshë. Për krahasim, Michael Schumacher kishte vetëm 22 fitore në moshën 28 vjeç, ndërsa Hamilton dhe Alonso nga 21.

Statistikë interesante: Verstappen ka më shumë fitore individuale (67) sesa ekipi Ferrari ka arritur që nga viti 2005 e deri sot (66).

I lindur në një familje garuesish, babai i tij, Jos Verstappen, ishte pilot i F1, ndërsa nëna, Sophie Kumpen, kampione në karting, Max thuajse lindi në botën e garave.

E vetmja pistë ku nuk ka fituar ende është Singapore, ku këtë fundjavë do të zhvillohet gara e radhës. Fitorja atje do të përmbyllte koleksionin e tij të fitoreve në të gjitha pistat aktive të F1.