Ferrari përgatitet për Çmimin e Madh të Singaporit, një nga garat më sfiduese të sezonit në pistën e natës në Marina Bay. Shefi i ekipit, Frederic Vasseur, thekson se gara kërkon përqendrim maksimal dhe strategji të zgjuar.

“Singapori është gjithmonë i vështirë, kushtet ekstreme dhe pistat urbane kërkojnë që çdo detaj të jetë perfekt. Edhe kualifikimet do të jenë vendimtare”.

Temperaturat e larta dhe lagështia e madhe e bëjnë këtë garë fizikisht të lodhshme për pilotët. Rritja e shpejtësisë në pit lane (nga 60 në 80 km/h) pritet të ndikojë në strategji.

Ferrari synon të shfrytëzojë çdo mundësi dhe të maksimizojë performancën në çdo sesion.