Në garën Central European Rally 2025, të zhvilluar në kufirin midis Gjermanisë, Austrisë dhe Çekisë, piloti finlandez Kalle Rovanpera (Toyota GR Yaris Rally1) arriti fitoren e tij të tretë sezonale, duke dominuar me 7 fitore në 18 prova speciale. Kjo ishte fitorja e 59-të për Toyota Gazoo Racing WRT në WRC.
Pasi Sebastien Ogier doli nga gara pas një gabimi në provën e 10-të, Elfyn Evans (Toyota) përfitoi duke përfunduar i dyti dhe rimarrë kryesimin në renditjen e përgjithshme të kampionatit me 247 pikë, përpara Ogier dhe Rovanperäs që ndajnë vendin e dytë me 234 pikë.
Ott Tanak (Hyundai) zuri vendin e tretë, ndërsa kampioni në fuqi Thierry Neuville doli nga pista dhe nuk e përfundoi garën. Në kategorinë WRC2, fitoi çeku Jan Černy me Škoda Fabia RS Rally2.
Me këtë rezultat, Toyota siguroi titullin e gjashtë botëror për konstruktorët (2018, 2021–2025). Sezoni mbyllet me dy gara të mbetura: Japonia dhe Arabia Saudite.
Renditja:
Rovanperä/J. Halttunen – Toyota GR Yaris Rally1
E. Evans/S. Martin – Toyota GR Yaris Rally1
O. Tanak/M. Jarveoja – Hyundai i20 N Rally1
T. Katsuta/A. Johnston – Toyota GR Yaris Rally1
A. Fourmaux/A. Coria – Hyundai i20 N Rally1
S. Pajari/M. Salminen – Toyota GR Yaris Rally1
J. McErlean/E. Treacy – Ford Puma Rally1
O. Solberg/E.t Edmondson – Toyota GR Yaris Rally2
J. Cerny/O. Krajca – Skoda Fabia RS Rally2
F. Mares/R. Bucha – Toyota GR Yaris Rally2
