Shtatë herë kampioni i Formula 1, Lewis Hamilton, ka treguar për The Times se është përballur me depresion dhe probleme të shëndetit mendor që nga fëmijëria. Ai tha se gjithçka nisi me ngacmimet në shkollë dhe ndjenjën se nuk kishte me kë të fliste, ndërsa presioni i garave e përkeqësoi gjendjen.

Hamilton, i cili debutoi në F1 në vitin 2007 dhe ka barazuar rekordin e Michael Schumacher me shtatë tituj, theksoi se sot ka mësuar të kuptojë dhe kontrollojë emocionet e tij.

“Ajo që më zemëronte dikur, sot nuk më prek më. Jam shumë më i qetë”.

Ai dërgoi mesazhin se as kampionët nuk janë imunë ndaj luftërave të brendshme, por forca qëndron në pranimin dhe përballimin e tyre.