Gara e Formula 1 në Las Vegas është një pasqyrë e realitetit të ri të këtij sporti, me Netfliks, luks, dhe VIP mysafirë, ndërkohë që Las Vegas ndriçon natën e ftohtë me kazinotë dhe hotelet e njohura. Kanë mbetur vetëm 3 gara dhe një sprint, me gjithsej 83 pikë për t’u marrë. Lando Norris kryeson kampionatin përpara shokut të ekipit, Oscar Piastri, dhe Max Verstappen është 49 pikë prapa.
Las Vegas është gara e parë në fund të sezonit. Pista e ftohtë dhe e shpejtë nuk është e favorshme për McLaren, që ka pasur probleme në të kaluarën. Verstappen, megjithatë, është gjithmonë një kërcënim, duke treguar një nga kthesat më të mëdha të karrierës së tij në Brazil, ku kaloi nga pit stopi në podium.
“Brazil ishte një garë e veçantë për ne. Nuk mendoja se mund të arrinim podiumin, por ekipi bëri një kthesë të mrekullueshme. Tani shkojmë në tre garat e fundit, ku do të japim gjithçka për të shtypur të tjerët, sepse nuk kemi më asgjë për të humbur. Las Vegas është një pistë e shpejtë me temperaturë të ulët, kështu që duhet të kemi kujdes me gomat”, ka thënë Verstappen.
Max duhet të shmangë çdo gabim, pasi çdo gafë mund ta eliminojë nga titulli. Nëse Norris fiton dhe Verstappen përfundon i treti, Max mund të humbasë mundësinë për kampion. Gara në Las Vegas do të jetë vendimtare, ndërsa kualifikimet janë të shtunën në orën 5 të mëngjesit, dhe gara do të zhvillohet në të njëjtën orar ditën e diel.
