Biçikleta e stërvitjes së Jorge Martin është vjedhur të dielën në Çmimin e Madh të Valencias, që mbylli sezonin 2025 të MotoGP-së.

Piloti i Aprilia-s e kuptoi në fund të ditës se dikush kishte hapur zonën ku ai mban biçikletat e stërvitjes dhe kishte vjedhur një Pinarello të personalizuar, edicion special, me vlerë rreth 20,000 euro.

Policia shkoi në vendngjarje dhe mori deklaratat për të nisur hetimet.

Sipas ekipit të tij, personi që e vodhi biçikletën e njihte mirë paddock-un dhe ambientet e pistës.

“E dinin saktësisht çfarë kërkonin, sepse lanë sende të tjera me vlerë që nuk i interesonin”, tha një burim pranë pilotit madrilen.

Ngjarja është e çuditshme edhe për faktin që sigurimi i pistës është shumë i rreptë dhe çdo automjet që hyn në paddock duhet të ketë leje të posaçme.

Ashtu si shumë pilotë të MotoGP-së, Martin përdor biçikletën rrugore për stërvitje aerobike dhe shpesh shihet në rrjete sociale duke pedaluar me Aleix Espargaro-n, me të cilin ndan edhe menaxherin.