Miku i ngushtë i Michael Schumacher-it, Richard Hopkins, ka deklaruar se dyshon që bota do ta shohë ndonjëherë sërish shtatë herë kampionin e Formula 1. Schumacher u lëndua rëndë në një aksident skijimi në dhjetor 2013 dhe prej atëherë është në koma të induktuar, duke u kuruar në shtëpi nën kujdesin e familjes dhe një ekipi të vogël mjekësor.

Hopkins thotë se rrethi i njerëzve që mund ta vizitojnë është shumë i kufizuar, mes tyre Jean Todt dhe Ross Brawn dhe se familja ruan maksimalisht privatësinë e tij. Ai shton se, megjithë respektin e madh që miqtë e Schumacher-it kanë për të, askush nuk flet për gjendjen e tij reale.

Ai kujton Michaelin si njeri të jashtëzakonshëm, baba dhe bashkëshort të përkushtuar. Së fundmi, sipas gazetarit të “L’Équipe”, Schumacher ka nënshkruar një helmetë për një ankand bamirësie me ndihmën e gruas së tij, por nuk ka ende konfirmim zyrtar për këtë gjest.