Garat e fundit të Andrea Antonelli po nxjerrin në pah talentin e pilotit të ri të Mercedes, i cili debutoi në Formula 1 këtë vit. Pasi siguroi pozicionin e parë në kualifikimet e garës sprint në Majemi dhe arriti në podium për herë të parë në Kanada, piloti bolonjez pati vështirësi, veçanërisht në pjesën evropiane të sezonit.
Në dy garat e fundit, në Brazil dhe Las Vegas, ai u rikthye te podium. 19-vjeçari i habiti të gjithë në Las Vegas, ku u ngjit në podium edhe pse e nisi garën nga vendi i 17-të.
Këto performanca konfirmuan pritshmërinë e Toto Wolff në prag të këtij kampionati, kur menaxheri austriak e kishte mbështetur Antonelli.
Një sezon që, sipas Wolff, i përmbush pritshmëritë e Antonelli në lidhje me rritjen e pilotit gjatë kampionatit të tij të parë botëror në F1, duke përfshirë vështirësitë në menaxhimin e presionit dhe rezultatet mbresëlënëse.
“Mendoj se ai është 19 vjeç dhe gjithmonë kemi thënë se sezoni i parë mund të jetë i vështirë”, tha Wolff.
“Ai është katapultuar në një nga ekipet e mëdha, nuk ishte i njohur me shumë nga pistat dhe presionin që rëndon mbi të, ndaj kjo është arsyeja pse prisja këtë lloj rruge. Por viti i ardhshëm do të jetë krejtësisht ndryshe. Do të jetë një vit më i vjetër dhe më i pjekur, kështu që gjithçka është sipas planit“, shtoi menaxheri i Mercedes.
“Gjatë gjithë sezonit nuk e vura kurrë në dyshim vendimin për ta sjellë në F1. E prisnim të ishte plot me ulje-ngritje: momente lavdie dhe momente ku do të doje të shkulje flokët. Ky nuk është fundi i zhvillimit, jemi ende në fazat e hershme dhe shpresoj se do të shohim edhe më shumë nga Kimi vitin e ardhshëm”, tha Wolff.
