Kampioni i Kosovës, Drita, ka arkëtuar edhe 400 mijë euro pas fitores 1:0 ndaj Shkëndijës në ndeshjen e fazës së grupeve të Conference League e zhvilluar në stadiumin “Fadil Vokrri”.

Ky është triumfi i dytë radhazi për gjilanasit në këtë fazë, duke vazhduar formën e shkëlqyer në edicionin më historik të klubit.

Me këtë rezultat, shuma totale e përfitimeve të Dritës nga faza e grupeve arrin në 1.066 milion euro, ku përfshihen fitimi ndaj Shelbourne dhe dy barazimet e mëparshme.

Klubin e presin edhe dy sfida të vështira kundër AZ Alkmaar dhe Rayo Vallecano, që mund ta rrisin edhe më tej arkën e klubit.

Gjithashtu, Drita praktikisht e ka siguruar pjesëmarrjen në play-offin e Ligës së Konferencës, që do të sjellë edhe 300 mijë euro të tjera.

Në total, që prej hyrjes në garat evropiane, gjilanasit kanë arritur të sigurojnë mbi gjashtë milionë euro, duke u renditur si një nga skuadrat më të suksesshme të Kosovës në aspektin sportiv dhe financiar në arenën ndërkombëtare./AutoPortali