Andrea Kimi Antonelli pranoi se një gabim në xhiron parafundit të Çmimit të Madh të Katarit i kushtoi vendin e katërt – dhe i dha Lando Norris dy pikë të rëndësishme në garën për titullin e 2025-s.

Piloti i Mercedes ishte duke ndjekur Carlos Sainz për vendin e tretë, por humbi kontrollin e makinës në Kthesën 9 për shkak të hyrjes me shpejtësi më të madhe dhe “dirty air”, duke dalë nga pista. Norris e kaloi menjëherë.

Antonelli tha se pa këtë gabim do ta kishte mbajtur Norrisin pas vetes, por pranoi se podiumi ishte i vështirë për t’u arritur. Ai shtoi se do të analizojë incidentin, duke e quajtur “shumë të bezdisshëm”.