Qeveria lokale e shtetit Ogun në Nigeri ka dhënë një përditësim zyrtar lidhur me gjendjen shëndetësore të boksierit të njohur Anthony Joshua, pas një aksidenti të rëndë automobilistik që shkaktoi dy viktima.

Sipas autoriteteve, aksidenti ndodhi të hënën rreth orës 11:00 të paradites në autostradën Lagos-Ibadan, kur një xhip Lexus u përplas me një kamion të palëvizshëm.

Në automjet ndodheshin katër persona, përfshirë edhe Joshua, 36 vjeç.

Boksieri pësoi lëndime të lehta dhe u dërgua në spital, ku ndodhet në gjendje të qëndrueshme. Ai është i vetëdijshëm dhe ka komunikuar me familjen e tij.

Një pasagjer tjetër gjithashtu ka mbijetuar, ndërsa dy persona humbën jetën si pasojë e aksidentit.

Në një deklaratë zyrtare, qeveria e shtetit Ogun bëri të ditur se mjekët kanë konfirmuar se të mbijetuarit nuk kanë nevojë për ndërhyrje urgjente mjekësore, por do të vazhdojnë të monitorohen nga stafi shëndetësor.

Autoritetet kanë nisur hetimet për zbardhjen e plotë të rrethanave të aksidentit. Automjeti është larguar nga vendi i ngjarjes, ndërsa po punohet edhe për evakuimin e kamionit të përfshirë./AutoPortali