Hansi Flick synon të vazhdojë serinë e tij mbresëlënëse të finaleve pa humbje, pasi e ka udhëhequr Barcelonën drejt finales së Superkupës së Spanjës.

Trajneri gjerman ka ndërtuar një reputacion të fortë në ndeshjet vendimtare, duke mos humbur asnjë finale që nga fillimi i karrierës së tij si trajner.

Gjatë periudhës së tij te Bayern Munich, Flick drejtoi ekipin në pesë finale dhe i fitoi të gjitha.

Pas transferimit te Barcelona në vitin 2024, ai ka vazhduar me të njëjtin ritëm pozitiv, duke triumfuar në dy finalet që ka drejtuar me klubin katalanas.

Barcelona tashmë është kualifikuar në një tjetër finale, ku të dielën do të përballet me rivalin e përjetshëm Real Madrid në Xheda, në kuadër të Superkupës së Spanjës.

Flick synon të ruajë rekordin perfekt edhe në këtë sfidë të madhe, duke shtuar një tjetër trofe në karrierën e tij.

Deri më tani, Flick ka fituar disa trofe madhorë, përfshirë Kupën e Gjermanisë, Ligën e Kampionëve, Superkupën e Evropës, Superkupën e Gjermanisë, Kupën e Botës për Klube, Superkupën e Spanjës dhe Kupën e Mbretit.

Nëse Barcelona triumfon të dielën ndaj Real Madridit, Flick do të arrijë trofeun e tij të 11-të si trajner.

Në koleksionin e tij përfshihen gjithashtu dy tituj të Bundesligës dhe një titull i La Ligës, duke konfirmuar edhe një herë suksesin e tij në nivelet më të larta të futbollit europian./AutoPortali