Njëvendëshja me të cilën Michael Schumacher arriti fitoren e tij të parë në Formula 1, Benetton B192 nga viti 1992, është ofruar në ankand nga “Broad Arrow Auctions”, me një çmim të pritshëm prej 8,5 milionë eurosh.

Pasi sezonin 1992 e nisi me një version të përditësuar të B191, Benetton prezantoi modelin B192 në garën e katërt të sezonit, në Spanjë. Schumacher, i cili atëherë ishte shok skuadre me Martin Brundle, arriti fitoren e tij të parë pikërisht me këtë njëvendëshe në Belgjikë.

E projektuar nga Rory Byrne nën drejtimin e Ross Brawn, B192 regjistroi gjithsej 11 podiume, një fitore dhe dy xhiro më të shpejta në duart e Schumacherit dhe Brundle.

Para 30 vitesh, Formula 1 dukej shumë ndryshe nga sot. Kishte vetëm 16 gara në sezon, por në to garonin 16 skuadra dhe gjithsej 39 pilotë përpiqeshin të kualifikoheshin për pjesëmarrje. Williams FW14B ishte makina më e fortë, një kryevepër teknike që vetëm një luan mund ta zbutte. Nigel Mansell fitoi nëntë gara dhe u shpall kampion bote që në mes të gushtit. Imagjinojeni këtë sot. Michael Schumacher dhe unë bëmë gjithçka që mundëm për të sfiduar Williams-in me Benetton B192 relativisht bazik, por jashtëzakonisht efikas.