Stephan Lichtsteiner është zyrtarisht trajneri i ri i Baselit, duke nisur një kapitull të ri në karrierën e tij, kësaj radhe në rolin e drejtuesit teknik.

Ai ka zëvendësuar Ludovic Magnin, i cili u shkarkua një ditë më parë, pavarësisht fitores së arritur në ndeshjen e fundit ndaj Zurichut.

Në momentet e para si trajner i Baselit, Lichtsteiner ka dalë përpara mediave në konferencën e tij të parë për shtyp, ku foli për objektivat e tij dhe për skuadrën që do të drejtojë.

Gjatë fjalës së tij, nuk munguan edhe vlerësimet për ish-bashkëlojtarin dhe yllin e ekipit, Xherdan Shaqiri.

“Nuk e mendova kurrë se do të arrinte deri këtu. Mezi pres të punoj me të. Ai është një futbollist i shkëlqyer”, u shpreh Lichtsteiner, duke theksuar rëndësinë që Shaqiri ka për skuadrën dhe për projektin e ri të Baselit.

Debutimi i Lichtsteinerit në stolin e Baselit do të vijë shumë shpejt, pasi ndeshjen e tij të parë si trajner do ta zhvillojë në kuadër të Europa League, këtë të enjte, në përballjen ndaj Viktoria Plzenit.

Kjo ndeshje pritet të jetë një test i rëndësishëm për trajnerin e ri dhe për drejtimin që do të marrë skuadra në vazhdim./AutoPortali