Ferrari zgjodhi të martën, datën 27 janar, si të parën nga tri ditët e aksionit në pistë për testet private që të gjitha makinat e Formula 1 janë duke i zhvilluar në Barcelonë. Në mëngjes në pistë zbriti me makinën SF-26 piloti Charles Leclerc dhe pasdite Lewis Hamilton.

Moti nuk e favorizoi “kokëkuqen”, duke e lagur pistën pas rreth një ore e gjysmë seance, duke i penguar pilotët të garonin në të thatë. Megjithatë, orari i planifikuar i punës shkoi pa probleme, pasi nuk kishte nevojë të vlerësohej ende performanca, por më shumë sistemet dhe besueshmëria.

Lewis Hamilton përfundoi 57 xhiro, duke dalë në pistë pak pas orës 14:00 dhe përbërësit alternues dhanë një ide të mirë  të ndryshueshmërisë së kushteve të hasura: nga gomat për pistë të lagur në ato të ndërmjetme për 19 xhiro. Duke pasur parasysh që gara e Barcelonës ka 66 xhiro, anglezi pothuajse e përfundoi distancën e një gare.

“Ishte një ditë e parë intensive, por produktive, veçanërisht duke pasur parasysh kushtet e ndryshueshme të motit. Ne arritëm të përfundonim disa kilometra me makinën dhe të mbledhim shumë të dhëna të dobishme”, tha Hamilton.

“Kjo gjë është veçanërisht e rëndësishme me një ndryshim kaq të theksuar të rregullores. Nuk pati probleme të rëndësishme dhe kjo na jep një bazë të fortë mbi të cilën të vazhdojmë të mësojmë dhe të ndërtojmë në ditët në vijim“, deklaroi Hamilton.