“Michael Schumacher ishte i mirë, por unë isha pak më i mirë”, thotë Mika Hakkinen, duke kujtuar rivalitetin e tij me legjendën e Formula 1.

Finlandezi rikthehet te përplasja e famshme në Makao, kur të dy garonin në Formula 3, duke theksuar se rivaliteti i tyre u ndërtua mbi luftën e pastër në pistë.

Hakkinen e përshkruan Schumacherin si një garues të jashtëzakonshëm dhe fizikisht shumë të fortë, por insiston se ai kishte një avantazh të vogël.

Sipas tij, Schumacher ndonjëherë ishte shumë i ashpër dhe madje i padrejtë ndaj rivalëve, duke u përpjekur ta ndikonte psikologjikisht.

“U përpoq me lojëra mendore, por nuk ia doli. Vendosëm të luftojmë vetëm në pistë”, tha Hakkinen, duke shtuar se respekti mes tyre lindi pikërisht nga kjo qasje.