Në rrugët e Londrës po testohen taksi pa shofer, të drejtuara nga inteligjenca artificiale, të cilat mund të fillojnë operimin që këtë vit.

Automjetet janë zhvilluar nga kompania britanike Wayve dhe lëvizin në trafik pa ndërhyrjen e duarve në timon, raporton Telegrafi, përcjell AutoPortali.

Sistemi AI reagon në kohë reale ndaj semaforëve, këmbësorëve, biçiklistëve dhe kryqëzimeve, duke u përpjekur të imitojë mënyrën se si mendon një shofer njerëzor.

Brenda makinës qëndron ende një operator sigurie, i gatshëm të ndërhyjë nëse është e nevojshme, sipas rregullave aktuale në Britani.

Drejtuesi i kompanisë, Alex Kendall, tha se drejtimi autonom është një nga sfidat më të vështira inxhinierike të kohës sonë.

Sipas tij, përdorimi i AI mund të bëjë të mundur prodhimin masiv të makinave që mund të drejtojnë kudo në botë.