Xavi Hernandez ka bërë të ditur se në verë do të largohet nga Barcelona, por duket se nuk do të mbetet pa punë.

Largimi i Xavit mbetet disi i paqartë, me drejtorin sportiv Deco dhe presidentin Joan Laporta që refuzojnë të përjashtojnë mundësinë që ai të qëndrojë në detyrën e tij aktuale.

Ndërkohë Xavi shpreht i bindur se nuk ka ndryshuar agjë në vendimin e tij.

Ai gjithashtu ka thënë se nuk do të merrte asnjë punë tjetër gjatë verës, përkundrazi do të preferonte një pushim vitin e ardhshëm.

Trajneri tha gjithashtu se donte t’i çonte fëmijët e tij në ndeshjet e trofeut Joan Gamper dhe të pushonte me familjen e tij.

Sipas HITC, Chelsea dhe Newcastle United po e konsiderojnë atë në mesin e kandidatëve të tyre për vendet e lira të mundshme këtë verë.

Duket shumë e pamundur që Xavi të futet në një punë tjetër menjëherë pas Barcelonës. Ai ndjen një lidhje të veçantë me Blaugranët, por ka folur se i detyrohet familjes së tij që të kalojë më shumë kohë me ta pas kësaj.