Në pistën e Montreal, makina Red Bull arriti podiumin e parë sezonal në Formula 1. Piloti holandez Max Verstappen u rendit i treti pas një dueli të fortë me Lewis Hamilton, që u klasifikua i dyti, pasi e parakaloi pak xhiro nga fundi.

Një rezultat që e kënaq disi 4 herë kampionin e botës. “Jam i kënaqur me atë rezultat. Patëm disa beteja të shkëlqyera në pistë, veçanërisht me Hamilton. Është gjithmonë mirë të kthehesh në podium”, deklaroi holandezi i Red Bull.

Verstappen pranon vështirësitë që Red Bull ka patur këtë sezon: “Nuk ishte e lehtë të arrish këto rezultate këtë sezon, pasi na duhet të duelojmë fort me të gjithë. Duhet të vazhdojmë të shtyjmë dhe ta bëjmë më mirë se konkurrenca”.

“Ky podium duhet të shërbejë si shtysë për të ardhmen, pasi jemi ende larg asaj që synojmë. Tani vjen gara e Montekarlo, që kërkon shumë kujdes nga të gjithë. Duhet të përpiqemi të gjithë të gjejmë zgjidhje për të shkuar sërish te podium”, tha Verstappen.