Në prag të garës së radhës së Formula 1, që zhvillohet këtë fundjavë në Montekarlo, shumë e shohin Ferrarin si pretendentin kryesor për fitore në rrugët e ngushta të Principatës dhe jo vetëm sepse fuqia e motorit është më pak e rëndësishme.
Kimi Antonelli, kryesuesi i botërorit dhe fituesi i katër garave të fundit, beson se SF-26 ka shumë cilësi që i përshtaten pistës në Montekarlo. Ai paralajmëron se një performancë e fortë kualifikuese do të jetë e nevojshme, por jo e mjaftueshme për të siguruar fitoren.
“Ferrari do të jetë e fortë. Për mua, ata janë favoritët këtë fundjavë. Ferrari është një makinë që është e fortë nën frenim. Ata kanë qenë gjithmonë të fortë këtu edhe kur kanë pasur vështirësi në garat e tjera. Zakonisht ata gjithmonë shkojnë mirë këtu”, tha Antonelli.
Megjithatë, Kimi paralajmëron se neglizhimi i ritmit të garës do të ishte një gabim: “Kemi bërë disa simulime. Parakalimi është ende shumë i vështirë, edhe nëse do të ngisnit qëllimisht tre sekonda më ngadalë”.
“Kualifikimet, starti dhe strategjia do të luajnë një rol, si dhe makinat e sigurisë nëse ka, por edhe edhe moti. Për më tepër, duhet të keni një ritëm të mirë gare. Ngrohja e gomave nuk është e lehtë, këtë vit është shumë më e vështirë se sezonin e kaluar”, shtoi italiani.
“Do të jetë e rëndësishme ta nisim dhe të qëndrojmë në vendin e parë, por gjithashtu duhet të kemi një ritëm të mirë për të hapur hendekun kur është e nevojshme. Do të doja t’i fitoja të gjitha garat, por Monako ka sharmin e vet”, tha Antonelli.
