Fundjavën që vjen, Kimi Antonelli po përgatitet të përballet me garën e tij të tretë në Monza si pilot i Formula 1. Piloti bolonjez debutoi në F1 vetëm vitin e kaluar, por përvoja e tij në vitin 2024 ia vlen të kujtohet. Saktësisht dy vjet më parë, Antonelli garoi në provat e lira të Italisë si pilot i ardhshëm i Mercedes.

Nuk ishte një seancë e lumtur për liderin aktual të kampionatit, që asokohe përfundoi në barrierë pas disa minutash. Toto Wolff menjëherë e mbrojti atë, duke e ditur se incidenti do të provokonte lehtësisht tallje, mbështetja e tij ishte thelbësore, sepse që në Monza, Antonelli e kuptoi llojin e presionit që duhet të durojë një pilot i Formula 1.

Vjet, Antonelli përjetoi periudha të tjera të vështira: “Përvoja luan një rol themelor. Kam shumë më tepër për të fituar, por pavarësisht të gjitha momenteve negative, mendoj se vështirësitë e vitit 2025 ishin të gjitha që më nevojiteshin. Ato më ndihmuan të rritesha edhe më shumë sesa prisja. Më bënë më të fortë emocionalisht dhe mendërisht”.

“Puna nuk ka mbaruar ende. Jemi vetëm në gjysmë të rrugës; ka ende shumë për të bërë dhe shumë për të arritur”, tha Antonelli, që shtoi: “Thjesht duhet të jemi të qëndrueshëm nga tani deri në fund të kampionatit për të ruajtur e thelluar avantazhin ndaj rivalëve”.