BMW po përballet me një padi kolektive në SHBA për problemet me diferencialet e përparme të modeleve X5, X6 dhe X7.

Një pronar i një BMW X5 M50i të vitit 2020 pësoi defekt në diferencial pas rreth 75.000 kilometrash. Garancia nuk e mbuloi riparimin dhe fatura arriti në 6.199,01 dollarë.

Paditësit pretendojnë se BMW nuk kishte përcaktuar interval për ndërrimin e vajit të diferencialit, duke e konsideruar atë “vaj për gjithë jetën”. Ndërkohë, për modelet më të reja, BMW thuhet se rekomandon ndërrimin e tij çdo 5 vjet ose 80.000 km.

Procesi gjyqësor është ende në fillim dhe BMW nuk është shpallur përgjegjëse.