Pilotët e Red Bull, Max Verstappen dhe Sergio Perez janë duke shkëlqyer edhe në kampionatin e sivjetmë, por kjo nuk është befasi duke marrë parasysh potencialin e skuadrës në përgjithësi.

Red Bull është ekip shumë i organizuar dhe çdo individ përpiqet të jetë i përkryer në detyrën e tij.

Një element shumë i rëndësishëm për sukses është mënyra dhe shpejtësia e hyrje-daljes së pilotëve nga “boksi” në ndërrimin e gomave.

Në sportin, në të cilin çdo e qindtë e sekondës është e rëndësishme, kampioni i trefishtë botëror, Verstappen, është i sigurt që çdo pjesëtar i skuadrës ia “ruan shpinën”.

Aq sa holandezi është impresiv në pistë, po aq janë edhe mekanikët e Red Bull në “boks”.

Kjo më së miri mund të shihej në garën e fundit, në Kinë, kur 25 veta, i ndërruan tetë goma në dy bolidë, për më pak se katër sekonda.

Red Bull's pit crew put on a show last weekend.

Twenty-five people worked within a confined space to change eight tires on two different cars in a combined 3.9 seconds.

Vertstappen's time: 1.9 seconds
Perez’s time: 2.0 seconds

Incredible teamwork.pic.twitter.com/3XnTXmW9Nw

— Joe Pompliano (@JoePompliano) April 23, 2024

Saktësisht për 3.9 sekonda janë ndërruar gomat në bolidët e Verstappenit (1.9 sekonda) dhe Perezit (2.0 sekonda).

Duke marrë parasysh se ata 25 persona vepruan në një hapësirë shumë të ngushtë, ndërsa për asnjë moment nuk e penguan njëri-tjetrin, atëherë është e qartë se në çfarë mënyre të përkryher punohet te Red Bull.

Gara e radhës në Formula 1 mbahet më 5 maj në Majami.