Trajneri i njohur kosovar Besnik Hasi dhe klubi i famshëm belg Mechelen, janë marrë vesh që në fund të stinorit të ndërpresin bashkëpunimin.

“Klubi falënderon Besnikun për serinë e shkëlqyer që ka arritur dhe kështu ka udhëhequr klubin drejt një ëndrre. Klubit i duhet kohë për të kërkuar një trajner për sezonin e ri”, thuhej ndër të tjerash në njoftimin e skuadrës belge.

Lidhur me largimin e tij nga klubi, shkurtimisht u deklarua edhe vetë Hasi.

“Lojtarët duhet të dëshmojnë veten me një trajner të ri. Më vjen keq për largimin tim. Më pëlqeu të punoja këtu. Unë e bëra punën time. Kur mbërrita skuadra ishte në gjendje të keqe, por pas kësaj arritëm rezultate të një ekipi kampion”.

“Ne madje luftuan për vendin e parë deri në ndeshjen e fundit. A do të kisha qëndruar nëse do të arrinim në play-offin e Ligës së Kampionëve, nuk e di. Shpresoj që klubi të tregojë paraqitjet e duhura për sezonin e ardhshëm”, ka thënë Hasi në konferencën për shtyp.