Sipas TeamTalk, Al-Nassr i Cristiano Ronaldos është një nga klubet e interesuara për nënshkrimin e sulmuesit të West Ham United, Mohammed Kudus.

Fondi i Investimeve Publike Saudite (PIF) thuhet se ka vënë në shënjestër Kudus dhe i ka ofruar ganezit një pagë prej 11 milionë funtesh në sezon, afërsisht 212.000 euro në javë.

Al-Nassr, Al-Hilal, Al-Ittihad dhe Al-Ahli janë katër klubet në pronësi të PIF.

Kudus ka rënë në sy në Premier League dhe ka tërhequr gjithashtu interesin e Liverpoolit.

Kudus, 23 vjeç, deri më tani ka bërë 45 paraqitje për Hammers, duke shënuar 14 gola dhe duke dhënë gjashtë asistime.

Ai iu bashkua skuadrës së Premier League nga Ajax në vitin 2023 dhe ka kontratë me West Ham deri në fund të sezonit 2027-28.

23-vjeçari është gjithashtu një lojtar me përvojë për Ganën në nivel ndërkombëtar, duke shënuar 11 gola dhe duke dhënë tre asistime në 34 ndeshje.

Klauzola e lirimit prej 85 milionë funtesh të Kudus thuhet se nuk është më e vlefshme, që do të thotë se një tarifë transferimi do të duhej të negociohet me West Ham. Kudus ka tërhequr gjithashtu interesimin e Manchester Cityt.