Në garat e fundit të sezonit të kaluar, Kimi Antonelli tregoi shenja rritjeje, të cilat janë amplifikuar nga fillimi i tij sensacional i këtij sezoni. Talenti i ri nga Bolonja ka siguruar pesë fitore radhazi dhe po dominon kampionatin botëror të Formula 1, aq sa mban një avantazh prej 66 pikësh ndaj Lewis Hamilton, rivalit të tij më të afërt dhe 68 ndaj George Russell, shokut të tij të skuadrës Mercedes.

Antonelli i la të gjithë pa fjalë në Montekarlo, duke shfaqur një shpejtësi dhe qetësi të denjë për kampionë të mëdhenj. Madje edhe momentin e fundit të flamurit të kuq, me pasiguritë e një nisjeje të dytë që mund ta kishte privuar nga një fitore e merituar dhe e luftuar me mund, i e trajtoi me një pjekuri të lakmueshme.

Duke folur për Sky Sports, piloti italian shpjegoi: “Përpiqem ta pranoj presionin sa më shumë që të jetë e mundur, sepse nuk dua që të më shkatërrojë siç bëri vitin e kaluar në sezonin evropian. Ndaj, përpiqem ta pranoj dhe ta përqafoj sfidën, përpiqem ta shijoj sa më shumë që të jetë e mundur pa u shqetësuar për asgjë tjetër në lidhje me drejtimin”.

“Gara e fundit, me një flamur të kuq dhe rinisje të garës, ishte një provë e mirë dhe jam i lumtur që nuk dështova. Sezoni është ende i gjatë dhe ka ende shumë gara për t’u zhvilluar dhe çdo fundjavë është e ndryshme. Por, deri më tani ka qenë fantastike“, deklaroi Antonelli.

“Unë dhe ekipi po bëjmë një punë të jashtëzakonshme. Mendoj se ajo që po bëjmë vërtet mirë është

vënia e gjërave në praktikë, pa u tërhequr nga momenti, thjesht duke u përpjekur të përqendrohemi në atë që na pret dhe ta bëjmë sa më mirë që të mundemi”, tha italiani.