Dy herë kampioni i botës në MotoGP, Francesco Bagnaia, e kaloi një pjesë të pushimit veror duke parë gara të kaluara për të kuptuar pse nuk po përshtatet me motorin aktual të Ducatit dhe për të rikthyer vetëbesimin dhe dëshirën për fitore.

Pas dy titujve radhazi (2022 dhe 2023), viti 2025 ka qenë më i vështiri për Bagnain që nga debutimi i tij në vitin 2019. Motori i ri Desmosedici GP25 nuk i përshtatet stilit të tij të ngasjes, veçanërisht në frenim dhe në hyrje të kthesave.

Ndërkohë që Marc Marquez ka dominuar me tetë fitore dyshe dhe 10 podiume, Bagnaia ka vetëm një fitore dhe shtatë podiume, gjë që ka thelluar hendekun mes tyre dhe ka ngritur pikëpyetje për formën e tij.

“Pashë garat më të mira të mia për të kujtuar veten çfarë jam i aftë të bëj dhe ku dua të jem. Është e qartë që stili im nuk i përshtatet motorit të këtij viti, ndaj do të duhet ta ndryshoj, hap pas hapi”, ka thënë Bagnaia.

Qëllimi i tij kryesor është të rikthejë ndjesinë pozitive me motorin, pasi rezultatet do të vijnë më pas.