Lojtarët e Genoas po shijojnë shoqërinë e Mario Balotelli në kampin stërvitor dhe mbrojtësi Stefano Sabelli e ka bërë një shaka me ish-yllin e Italisë duke sjellë një version të ri të thënies së tij të famshme “Why Always Me?” (Pse gjithmonë unë?) duke e shkruar në bluzë.

Balotelli postoi një video në Instagramin e tij të mërkurën në mëngjes nga mensa e kampit stërvitor të Genoas, duke treguar Sabellin i cili kishte veshur një t-shirt me përkthimin italian të mesazhit të famshëm.

Balotelli kishte zbuluar një  mbishkrim në bluzë me këtë mesazh pasi shënoi golin hapës në një fitore të paharrueshme 6-1 kundër Manchester United në kohën kur luante me Manchester Cityn në Premier League.

34-vjeçari nënshkroi kontratë me Genoan si futbollist i lirë të hënën e kaluar. Ai kishte mbetur pa klub që nga fundi i sezonit 2023-24, kur luante për Adana Demirspor në Superligën turke.

Ish-lojtari i Italisë ka bërë debutimin e tij në Serie A me Genoan, duke hyrë si një zëvendësues vonë në fitore 1-0 jashtë ndaj Parmës të hënën në mbrëmje.