Fabio Capello mendon se Interi, Arsenali dhe Manchester City do të jenë kundërshtarët më të rrezikshëm të Real Madridit në Ligën e Kampionëve këtë edicion.

Trajneri i mirënjohur parashikoi sezonin e ardhshëm të Ligës së Kampionëve në një intervistë për mediumin italian La Gazzetta dello Sport.

Ai Real Madridi është favorit për të fituar garën, “por kundërshtarët janë të gatshëm ta luftojnë atë”.

“Para së gjithash, Manchester City. Ka zëra se Pep Guardiola mund të largohet në fund të sezonit, kështu që kjo do ta bëjë skuadrën edhe më të ashpër dhe të vendosur sepse Guardiola do të dëshirojë të lërë kujtime të shkëlqyera”, ka thënë fillimisht Capello.

“City ka gjithçka për të bërë mirë. Ata kanë përvojë, vendosmëri dhe cilësi, ndërsa Haaland është më i mirë se sezonin e kaluar”.

“Pastaj unë them Interin. Ata kanë potencialin për të qenë konkurrues në të gjitha frontet. Ata kanë thellësi në skuadër dhe një mentalitet të fortë. Ata mund të shkojnë deri në fund pas finales së Stambollit dhe Scudettos”.

“Më pas, Arsenali dëshmoi se mund të konkurronte me Manchester Cityn. Ata mund të fitojnë Ligën Premiere dhe Ligën e Kampionëve”, përfundoi italiani.