Pas fundjavës së kaluar dhe garës së Monako, piloti italian Kimi Antonelli ka një rival të ri të drejtpërdrejtë në garën për titull: britanikun Lewis Hamilton.

Piloti i Ferrari ka tejkaluar George Russell dhe Charles Leclerc në renditjen e përgjithshme, falë 0 pikëve të marrë nga ata dhe dy vendeve të dyta.

Hamilton po tregon qëndrueshmëri të shkëlqyer, duke qenë më i miri nga pilotët e Ferrarit në kualifikime dhe në garë. Pas vendit të dytë në Kanada ai u klasifikua i dyti edhe në Montekarlo.

7 herë kampioni i botës në Formula 1 theksoi se merita për rezultatet e tij i shkon drejtorit të ekipit të Ferrari, Frederic Vasseur, i cili e dëgjoi dhe i mundësoi të shprehte potencialin e tij.

“Nuk mund ta besoj që jam i dyti në kampionat dhe jam vërtet i lumtur dhe mirënjohës“, tha Hamilton.

“Nuk do ta kisha bërë dot pa këtë ekip, pa besueshmërinë që kemi arritur dhe gjithashtu pa Fred. Ai ka qenë fantastik në mbështetjen time. Mendoj se viti i kaluar ishte vërtet i vështirë për të dy ne, dhe iu luta të bënte disa ndryshime. Ai  këmbënguli dhe i bëri ato, tani po shoh frytet e kësaj dhe më në fund jam në gjendje t’ia shpërblej”, tha Hamilton.

“Mendoj se është ende herët, kështu që thjesht duhet të vazhdojmë të ndjekim. Do të thoja se në jetë, është më e lehtë të ndjekësh sesa të mbrohesh. Pra, edhe pse Mercedes është shumë i shpejtë ne do të vazhdojmë të shtyjmë, të ndjekim, dhe nuk kam dyshim se në një moment do të arrijmë atje“, deklaroi britaniku.

Gjithsesi, duket pak e pabesueshme që dikur kampioni i pakontestueshëm t’i gëzohet pozitës së dytë.