Formula 1 ka zbuluar kalendarin me 6 fundjava sprint për sezonin 2026, me katër shtesa të reja: Silverstone, Zandvoort, Montreal dhe Singapore.

Këto pista zëvendësojnë Belgjikën, Austinin, Brazilin dhe Katarin nga sezoni i mëparshëm. Ndërkohë, Miami dhe Kina mbeten pjesë e kalendarit.

Sprinti do të vazhdojë të zhvillohet si ngjarje më vete:
Të premten: praktikë dhe kualifikimi për sprintin
Të shtunën: gara sprint dhe më pas kualifikimi për Çmimin e Madh
Të dielën: gara kryesore

F1 planifikon të rrisë numrin e sprint-eve në 10 nga viti 2027, ndërsa diskutimet vazhdojnë edhe për ndryshime në format, si përdorimi i grileve të përmbysura.

Presidenti i FIA-s, Mohammed Ben Sulayem, dhe CEO i F1, Stefano Domenicali, e konsiderojnë sprintin një pjesë gjithnjë e më emocionuese të kampionatit.

Max Verstappen mbetet dominues në këtë format, me 12 fitore nga 20 sprint-e të zhvilluara deri tani.