Modelet e reja Fiat Grizzly dhe Grizzly Fastback, të prodhuara në Marok, mund të humbasin subvencionet shtetërore në Bashkimin Evropian për shkak të një nisme të Francës dhe Gjermanisë.

Parisi dhe Berlini propozojnë që subvencionet dhe lehtësimet tatimore për automjetet e reja t’u jepen vetëm modeleve që prodhohen dhe furnizohen me komponentë kryesorë brenda BE-së.

Kjo mund t’i bëjë versionet elektrike të Fiat Grizzly-t më pak konkurruese në çmim, pasi blerësit mund të humbasin përfitime prej disa mijëra eurosh.

Stellantis, grupi që zotëron Fiat-in, mbështet forcimin e industrisë evropiane dhe thekson se 85 për qind e makinave të pasagjerëve dhe 94 për qind e automjeteve të lehta komerciale që shet në Evropë prodhohen brenda BE-së.

Megjithatë, shitja e makinave të prodhuara në Marok nuk do të ndalohet; rreziku kryesor është humbja e subvencioneve dhe dobësimi i konkurrueshmërisë së tyre në tregun evropian.