Lewis Hamilton, gjatë gjithë epokës së efektit “ground”, nga viti 2022 deri në vitin 2025, arriti vetëm dy fitore në vitin 2024 me Mercedes, në Silverstone dhe Spa.

Shtatë herë kampioni i botës nuk e priti mirë gjeneratën e makinave që karakterizuan ciklin e fundit teknik.

Gjithsesi, ndikimi i tij te makina Ferrari SF26, e projektuar sipas rregulloreve të reja të vitit 2026, ka qenë pozitiv për pilotin britanik. Hamilton shënoi një kohë më të mirë në testet e Barcelonës dhe, deri më tani, është kënaqur pas timonit të SF26.

“Sa i përket ekuilibrit dhe të kuptuarit të makinës, kemi shumë më pak forcë poshtë sesa në vitet e kaluara. Kjo gjeneratë e re makinash është më argëtuese për t’u drejtuar”, u shpreh Hamilton në një koment.

Më tej, piloti britanik komentoi: “Ato mbikthehen, të  largohen, por janë më të lehta për t’u riangazhuar dhe kontrolluar. Do të thoja se në përgjithësi, këto makina janë më të këndshme për t’u drejtuar”.

Këtë javë, në testet që do të kryhen në Bahrein, Hamilton dhe Ferrari do të kërkojnë konfirmim në një platformë prove që, sipas drejtorit të ekipit Frederic Vasseur, do të jetë më përfaqësuese sesa ajo që doli në Barcelonë.

Përshtypja fillestare e Hamilton për makinën e F1 të vitit 2026 ka qenë sigurisht pozitive dhe mund ta ringjallë kampionin shtatë herë të botës pas një periudhe të gjatë suksesi të kufizuar sportiv.