Lewis Hamilton tha se merr përgjegjësinë e plotë për faktin që nuk arriti të luftonte për fitore në Çmimin e Madh të Belgjikës, duke e lidhur këtë me aksidentin e tij në provat e lira (FP3).

Sipas britanikut, dëmtimi i makinës ndikoi në balancën e Ferrarit dhe i kushtoi kohë në kualifikime, duke shkaktuar më pas një “efekt domino” që përfshiu edhe një penalizim me pesë sekonda gjatë garës.

Megjithatë, Hamilton vlerësoi punën e ekipit, duke theksuar se Ferrari po bën përparim të dukshëm dhe se, pa problemet e fundjavës, kishte ritmin për të luftuar për fitoren.

“Makina po përmirësohet vazhdimisht. Tani më takon mua të jap maksimumin në garën e ardhshme”, u shpreh shtatë herë kampioni i botës.